छोरा नभएर के भयो ?

छोरीद्धारा बाबुको दागवत्ति र काजकिरीया
ललितपुर ।

छोरा छोरा भनेर मरिमेट्ने नेपाली समाजमा ललितपुर उपमहानगरपालिका वडा नं ४ धोविघाटकी छोरी ज्योति बस्नेतले बाँचुन्ेजल आफ्ना ८० वर्षिय बाबुको स्याहारसुसार मात्रै गरीनन उनको मृत्युपश्चात उनलाई बिहीबार छोराले झैं दागवत्ति (मुखाग्नी) दिइन् ।

त्यतिमात्रै होइन हिन्दुपरम्परा अनुसार बाबुको काजकिरीयामा समेत उनी आफ्नो श्रीमानको घर त्रिदेवीनगर, कोटेश्वरमा आफैं बसेकी छिन् ।

ज्योतिका ८० वर्षिय बाबु भिमबहादुर बस्नेतको बुधबार राती ११ बजे मिनभवनस्थित निजामति कर्मचारी अस्पतालमा उपचाररत निमोनिया र पार्किन्सन रोगको कारण निधन भएको थियो उनी १२ दिनदेखि सो अस्पतालमाउपचाररत थिए ।
आफ्ना बुबाको करोडौं रुपैयाको सम्पत्ति आफ्ना सहोदर ठुलोबाबुले जालसाजी गरि हड्पिए्र बाबुलाई बेघर गरिदिएपछि उनले विगत लामो समयदेखि आफ्नो बाबुको हेरचाह, रेखदेख र स्याहार सुसार आफैंले गर्दै आएकी थिइन् ।

तस्वीरहरु : बलराम प्यासी

पशुपतिनाथस्थित बागमती किनारमा रहेको विद्युत्तिय शवदाह गृहमा ज्योतिले मृतक बुबालाई मुखाग्नी दिनुअघि हिन्दुधर्म परम्परा अनुसार एउटा छोराले गर्नुपर्ने सम्पूर्ण पक्रिया आफैं पुरा गरेकी थिइन् । उनले आफ्ना बाबुको सम्पत्ति हडपेर आजीवन दुख दिने सहोदर ठुलोबुबाका सन्तानलाई बुबाको मृत शरीरमा श्रद्धाञ्जली व्यक्त गर्न पनि दिइनन् ।
छोरा छोरा भनेर दौडिने नेपाली समाजलाई चुनौति दिन र बाँचुन्जेल चासो नदिने अनि मरेपछि किरीया गर्न मात्र जम्मा हुने नेपाली समाजलाई चुनौति दिन आफ्ना स्वर्गीय बुबाको अन्तेष्टि लगायतका सम्पूर्ण क्रियाकर्म आफैंले गरेको बताइन् ।
आफ्नो मृतक बुबाको काजकिरीयाको लागि ज्योति बस्नेतका पति, छोरा सजिवजङ्ग वन र तिम्ल्याहा छोरीहरु श्रद्धा, श्रेया र सृष्टिले पनि सहयोग गरेका थिए ।
अन्तिम संस्कारमा सहभागी भएका नेपाली राष्ट्रिय गानका रचनाकार ब्याकुल माइलाले समाजमा छोराकै पछि लाग्नेहरुका लागि यो गतिलो जवाफ भएको उल्लेख गर्दै छोरीहरु पनि छोरा बराबरनै हुन भन्ने सन्देश दिएको बताए ।