बाबु र हजुरबाबाट बलात्कृत छोरी प्रथम श्रेणीमा पास

काठमाडौ, ३ पौष २०७३ । खाने मुखलाई जुंगाले छेक्दैन भनेझैँ विगत तीन वर्षअघि आफ्नो बाबु र हजुरबाबुबाट बलात्कृत छोरी (नाम परिवर्तन) पुनमले कक्षा ११ प्रथम श्रेणीमा उत्तिर्ण गरेकी छन् ।

विष सेवन गरेका कारण पुनमलाई पेट दुख्ने समस्या छ उनी विरामी भइरहन्छिन् । तथापि उनी प्रसुती रोग विशेषज्ञ अर्थात् गाइनेलोजिस्ट बन्ने र आफू जस्तै बलात्कारको शिकार भएकाको प्रमाण जोगाउने निधो गरिन् । उनी क्याम्पस भर्ना भइन् । क्याम्पस पढ्नु उनका लागि सहज थिएन । विष सेवनको असर अहिले पनि देखिइरहन्छ । बेला बेला पेट सहन नसक्ने गरी दुखिरहन्छ । परीक्षाको बेला पनि उनले अस्पताल धाइरहनुपर्याे । एसएलसीमा विशिष्ट श्रेणी ल्याएकी उनी पढाइमा तेज थिइन् । हिम्मत हारिनन् । परीक्षा दिइ छाडिन् । जब ११ को नतिजा प्रकाशित भयो । उनले सबैलाई तीनछक पारिन् ।

मृत्युको काख रोजेकी पुनमले चमत्कारिक सफलता हाशिल गरिन् । उत्कृष्ट अंकसहित उनी प्रथम श्रेणीमा पास भइन् । उनी भन्छिन्, ‘मैले धेरै चेतेँ, अब बाँच्छु । आफू जस्तै पीडितको पक्षमा संर्घष गर्छु । मलाई डाक्टर बन्न तपाईहरुको आर्शिवाद अनिवार्य छ । आजको यो सफलता पनि हजुरहरुको आशिर्वादले नै मैले हात पारेकी छु । ’

बाबु र हजुरबाको अत्याचार सहन नसकी उनले तीन बर्ष अघि आत्महत्याको प्रयास गरिन् । जंगलमा गएर विष सेवन गर्नु अघि साथीलाई मर्न लागेको सन्देश दिइन् । साथीले प्रहरीलाई खबर गरेपछि प्रहरीले तत्काल खोजी गर्या । मृतप्राय अवस्थामा पुनम भेटिइन् । सँगै, भेटियो सुसाइड नोट । तत्काल उद्धार गरी अस्पताल लगियो । सुसाइड नोटमा लेखिएको थियो, ‘हजुरबुबा र बुबाबाट बलात्कृत म अभागिनीसँग मर्नुको विकल्प रहेन ।’दर्दनाक सुसाइड नोेट बाहिरिएसँगै पुनमका हजुरबुबाले आत्महत्या गरे । बुबालाई प्रहरीले पक्राउ ग¥यो । पूजाको उद्धार गरी काठमाडौँ ल्याइयो । अभिभावकत्व दानवत्वमा परिणत भएको र मानवता रित्तिएको परिवारमा सकसपूर्ण जिन्दगी जिइरहेकी पुनमको कथा संचारमाध्यममार्फत सार्वजनिक भयो ।

रक्षा नेपालको आश्रयमा विस्तारै उनको मनोबल बढ्न थाल्यो । अदालतमा मुद्दा प्रक्रियामा थियो । आफ्नै बाबुबिरुद्ध बलात्कारको मुद्दा लड्नुपर्ने अभागी छोरी हुनुको पीडा असह्य थियो । त्यसमाथि वकिलहरु बलात्कारको रिपोर्ट र प्रमाण माग्थे । प्रमाण लुकाउन अनेक प्रयत्न गरियो । पुनमको कथा संचारमाध्यममा आएसँगै उनलाई देशविदेशबाट सहानुभुति, सहयोग र हौशला प्राप्त भयो । पीडकसँग जुध्नलाई बलियो प्रमाण चाहिँदोरहेछ । यही सोचेर उनले निधो गरिन्ः । उनको कथा थाहा पाउँदा उनीमाथि बेग्लै व्यवहार हुनसक्थ्यो साथीभाइबाट पनि । अर्कोतर्फ जुनसुकै बेला घरपरिवारबाट पनि । किनकि, उनका बाबुलाई जिल्ला अदालत धुलिखेल , पुनरावेदन अदालत पाटन तथा यही मंसिर आठ गते सर्वोच्च अदालतले पनि जिल्ला अदालत र पुनरावेदन अदालतको फैसलालाई सदर गर्दै १८ बर्ष कैद र दुई लाख जरिवानाको फैसला सुनाएको थियो । पुनमको तर्फबाट अधिवक्ता भाइराजा राई र स्वागत नेपाल समेतले बहस पैरवी गरेका थिए ।

पुनमलाई आश्रय दिएको संस्थाकी अध्यक्ष मेनुका थापाका शब्दमा सबैको हौशलाका कारण पूजाको जीवनमा उल्लेखनीय  परिवर्तन आएको हो ।