अपाङ्गता भएकै कारण एसएलसी पास भएर पनि पढ्नबाट बन्चित (श्रव्य-दृश्री सहित)

अनलाइन जबका लागि ल्यापटप उपहार : सहयोगी मनले जाती समुदाय छुट्याउदैन

भक्तपुर, ३० फागुन । शारीरिक अपाङता भएकै कारण एसएलसी उत्तीर्ण गरेर पनि कलेज पढ्न जान नपाउनु बर्तमान समयमा कहाँसम्मको बिडम्बनापुर्ण समाचार हो ! तर पनि एक युवालाई आफ्नो जीवनमा त्यस्तै बिडम्बनापुर्ण अवस्था ब्यहोर्नु पर्यो तरै पनि एकदम सिर्जनशील स्वभावका ऊनी हिम्मत हार्दैनन, बरु खुट्टाको सहाराले हिड्न र व्हिल चेयर समेत आफै चलाउन नसक्ने ऊनी  कम्प्युटर आधारभूत रुपम्क चलाउछन । र कम्प्युटरमै आफ्नो भविष्य देख्छन । अर्थात ऊनी  बसी बसी अनलाइन बिजनेस गर्न चहन्छन । 
उउनको इच्छामा सहयोग गर्न एक संस्थाले ल्यापटप उपहार स्वरुप सहयोग गरेको छ ।

शारीरिक असक्तताका कारण एसएलसी परीक्षा उतिर्ण गरेको २ वर्षसम्म आफ्नो पढाईलाई अगाडि बढाउन नसकेका युवा हुन महोत्तरी सहोरवा गाविस ७ हर्दियाका २० वर्षिय विश्वजित झा ।

हाल सानोठिमी बस्दै आएका शारीरिक अपाङ्गता भएका उनले कम्प्युटरको आधारभूत तालीम लिसकेका छन् ।

शारीरिक अशक्तताका कारण एसएलसी परीक्षा उतिर्ण गरेतापनि कलेज पढ्न नसकेका ति युवालाई टिम नेपालका संस्थापक अध्यक्ष एवम युवा समाजसेवी प्रदिप बज्राचार्य र अर्का समाजसेवी लोकनाथ बास्तोलाले करीव ३५ हजार मुल्य बराबरको नयाँ ल्यापटप उपहार दिएका थिए ।

एसओएस वालग्राम सानोठिमीका आयोजना निर्देशक खगेन्द्रकुमार नेपाल र पत्रकार बलराम प्यासीको पहलमा प्राप्त सो ल्यापटप आइतबार एसओएस वालग्राम सानोठिमीमा ती युवा झालाई प्रदान गरिएको थियो ।

ल्यापटप उपहार पाएपछि आफुले जीवनकै सबभन्दा ठुलो कुरा पाएको र यसको सहयोगमा घरमै बसेर उच्च शिक्षा हासिल गर्नसक्ने ती युवाले बताए ।

विगतमा आफुलाई अपाङ्गता भएकै कारण सबैले हेँला गरेकोमा गुनासो गर्दै ल्यापटपको सहयोगमा आफुले केही गरेर देखाउने बताए ।
उनका बाबु चन्द्रभुषण झाका अनुसार दुबै खुट्टाले काम गर्न नसक्ने उनलाई भारतको राजस्थानमा रहेको नारायणसेवा आश्रमले उपचारको साथै एउटा ह्विलचियर दिएको छ । जसकोसहयोगमा उनी हिँडडुल गर्नसक्छन् ।

आफ्नै आफ्नै जाती समुदायको मात्र कुरा गर्ने गलत प्रवृत्तिका मान्छेहरुका लागि यो कार्यक्रमले सहयोगी मनले जाती समुदाय छुट्याउदैन भन्ने सन्देश पनि दिएको छ ।