दुबै संगठन फरक भए पनि लक्ष्य प्राप्तिका खातिर खेलमा जस्तै भावनात्मक रुपमा एक भएर आत्मीयताका साथ देश र जनताको सेवामा लागिरहने प्रतिवद्धता ब्यक्त गर्नुभयो ।

समारोहमा प्रहरी महानिरीक्षक अर्यालले लनटेनिस महिला एकल तर्फकी विजेता झापाकी आइरा एम रावत र पुरुष एकल तर्फका विजेता ललितपुरका जितेन्द्र परियार तथा लनटेनिस मास्टर युगलतर्फका विजेताहरुलाई समेत शिल्ड तथा नगद पुरस्कार प्रदान गर्नुभएको थियो ।

कायम मुकायम सशस्त्र प्रहरी महानिरीक्षक दुर्जकुमार राईले समारोहमा धन्यवाद ज्ञापन गर्नेक्रममा खेलमा टीमको भावना भए जसरी शान्ति सुरक्षा कायम राख्ने कार्यमा समेत दुवै संगठनको भावना एउटै हुने प्रतिवद्धता व्यक्त गर्नुभएको थियो ।

सशस्त्र प्रहरी बल केन्द्रीय खेलकूद समितिका अध्यक्ष सशस्त्र प्रहरी अतिरिक्त महानिरीक्षक सिंहबहादुर श्रेष्ठले स्वागत मन्तव्य व्यक्त गर्नुभएको उक्त समारोहमा नेपाल प्रहरी र सशस्त्र प्रहरी बलका वरिष्ठ अधिकृतहरु लगाएत विभिन्न महानुभावहरुको समेत उपस्थिति रहेको थियो ।