सेनेगलकी ५४ वर्षीय फातिमा साम्बा जुफ सेम्यूरा फिफाको महासचिवमा चुनिएकी हुन् । ६६ औं अधिवेशनबाट साम्बालाई महासचिवमा चुनिएको फिफाले जनाएको छ ।

सेम्यूराको नियुक्तिको घोषणा गर्दै फिफाको अध्यक्ष जानी इनफेन्टिनोले भने, ‘उनी संस्थाको लागि एक ताजा हावाको झोका जस्तो हुनेछिन् । उनी बाहिरकी हुन् र संस्थामा नयाँ पनि ।’

उनले २१ वर्षसम्म संयुक्त राष्ट्रसंघमा काम गरेकी थिइन् । सेम्यूराले जेरुम वाल्कको स्थान लिनेछिन् । गत वर्ष वाल्कलाई भ्रष्टाचारमा आरोपमा बर्खास्त गरिएको थियो ।