६ दिन भित्रिएको करीव १ हजार ३ सय किलोलिटर पेट्रोल र करीव ३ हजार किलोलिटर डिजेल कहाँ गयो ?

इन्धनको कालोबजारीमा सरकारी मिलेमतो

बलराम प्यासी
काठमाडौ ।

गत शुक्रबारदेखि राजधानीका सबै पेट्रोल पम्पबाट सर्वसाधारणका लागि सहज रुपमा विक्री वितरण गरिने भनिएको पेट्रोलियम पदार्थ सर्वसाधारणले ती पम्पहरुबाट सहज पाउन सकेनन् ।

राजधानीबाट निस्किने प्रायःजसो दैनिक पत्रपत्रिका, रेडियो, टेलिभिजन र अनलाइनहरुले बेकारमा सर्वसधारणलाई झुक्याए ।

हुन त उनीहरुलाई पनि नाम मात्रैको सरकार, आपूर्त मन्त्रालय र आयलनिगमले झुक्याएको हो ।

भारतीय नाकावन्दी खुलेपछि काठमाण्डौमा भित्रीएको पेट्रोलियम पदार्थको मौज्दात हेर्ने हो भने पनि राजधानीका सबै पेट्रोल पम्पहरु यतिखेर भरिभराउ भइसकेको हुनुपर्छ ।
आयल निगमले उपलब्ध गराएको तथ्यांक हेर्दा गत सोमबारदेखि बुधबार सम्म ३ दिनमात्रै पनि ६९२ किलोलिटर पेट्रोल र १ हजार ४११ किलोलिटर डिजेल आयात भएको देखिन्छ ।

निगममात्यत्रो पेट्रोलियम पदार्थ मोज्दात रहँदा रहँदै पनिअर्काे हप्ता आइतबारसम्म सर्वसाधारणले पाउन नसक्नुले नेपाल सरकारको लाचारीपनको पनि सीमा नाघेको प्रष्ट हुन्छ ।

त्यतिमात्रै नभई विहीबारदेखि शनिबारसम्म अर्काे ३ दिन बिहीबार, शुक्रबार र शनिबार त्यति नै मात्रामा पेट्रोलियम पदार्थ भित्रिएको सार्वजनिक पनि भएको थियो । भलै शनिबार विदाको दिन पेट्रोलियम पदार्थ नभित्रिएको रहेछ भने पनि थप दुई दिन भित्रीएको४०० «किलोलिटर पेट्रोल र एकहजार किलोलिटर डिजेल कहाँगयो ?

समग्रमा भन्ने हो भने गत सोमबारदेखि शनिबारसम्म ६ दिन भित्रिएको करीव १ हजार ३०० किलोलिटर पेटोल र करीव ३ हजार किलोलिटर डिजेल कहाँगयो ?

किनकी यी ६ दिनमै राजधानीका सेनार प्रहरीका पेट्रोल पम्पबाट बाहेक अरु पम्पले वितरण गरेका छैनन् । जवकि सेना र प्रहरीका पम्पहरुले त नाकावन्दीको समयमापनि सर्व साधारणहरुलाई दिइराखेका थिए ।
कालोबजारी गर्ने व्यापारीहरुलाई प्रोत्साहन गर्दै र सरकारमा बस्ने सम्वन्धित मन्त्रीहरुकै साँठगाँठका कारण ६ दिन नेपाल भित्रिएको पेट्रोलियम पदार्थ सर्वसाधारणसरहरुले सहजै किन्न नपाएको हो भन्ने कुरामा दुईमत छैन ।

जव सरकारमा बस्नेले नै कालो बजारीयाहरुलाई प्रोत्साहन गर्दै उनीहरुसंग मिलेर आफैं कमाउ धन्दामा लाग्छ भने सरकारबाट सर्वसाधारणले के अपेक्षा गर्ने ? बरु नाकावन्दीहुँदाको समय नै ठीक थियो, कम्तिमा उतैबाट पेट्रोल,डिजेल आएनभनेर चित्तबुझाउन त सकिन्थ्यो ।

यी ६ दिनभित्रिएको पेट्रोल र डिजेलको हिसाव किताव अब जनता आफैंले खोज्नु पर्ने भएको छ ।