Tuesday 21st May 2024
सोली घोप्टेमै भेटियो हराइरहेको विमान
काठमाडौं ।
पोखराबाट जोमसोमका लागि उडेको तारा एयरको जहाज म्याग्दीको दाना गाविसको टिकेढुङ्गा, सोलीघोप्टे भन्ने ठाउँमा दुर्घटनाग्रस्त अवस्थामा भेटिएको छ । प्रहरी नायव उपरीक्षक हरिहर योगीले यस अघि नै यस अनलाई सो स्थानमा दुर्घटना भएको जानकारी दिनु भएको थियो ।
भीरमा ठोक्किएर विमान दुर्घटना भएको बताएइएको छ। उनका अनुसार सबै यात्रुको जलेर ज्यान गएको छ।
सो स्थानमा रहेका रुखमा ठोक्किएर विमान दुर्घटनाभ भएको बताइउको छ । म्याग्दीका जिल्ला प्रहरी प्रमुख विश्वराज खड्का सबै शव जलेका छन् चिन्न सकिने अवस्थामा नरहेको बताए ।
विमानमा वरिष्ठ पाइलट रोशन मानन्धर, को–पाइलट दिकेश र एयर होस्टेस रमा रावल रहेका थिए।
केही बेर अघि मात्र उनले टेलिफोनमा स्थानीयले सोली घोप्टेमै खसेको जानकारी दिएको बताउँदै भने, त्यसतर्फ जान समेत विकटताका कारण अप्ठेरो भइरहेको छ ।
जहाजमा २ बच्चासहित २० यात्रु र ३ चालक दल सदस्य गरि २३ जनाले उडान भरेका थिए ।
पोखरा विमानस्थलबाट बिहान उडेको साइन ट्विनटर सम्पर्क विहिन भएको थियो ।
राती हल्का पानी पर्ने बाहेक विमानलाई रुटमा व्यवधान हुने गरी खासै हिमपात, चट्याङ, वा ११ बजे पछि विमान अवतरण गर्न गाह्रो हुने मुस्तांगमा विहानै भएकोले वायुको तिब्रता समेतका अन्य प्रतिकूलता समेत नभएको बताइएको छ ।
लेप्साङ लामा, राजकुमार तामाङ, रेवती बराल, देवीजंग गुरुङ, बालकृष्ण राउत, मुक्तिनाथ बास्तोला, फेन्जोक गुरुङ, विनिता भट्टचन, कृष्णलाल भट्टचन, मोतीबहादुर केसी, पवित्रा केसी, दीलकुमारी गौचन, कान्छा परियार, लक्ष्मी हिराचन, बालक, कमला थकाली, विदेशी नागरिक अहमत र एक जना बालक ।