पवन प्रकृतिलाई ३ वर्ष लगातार राष्ट्रपति रनिङ्ग शिल्ड

विजेता खेलाडीको सम्मान

ललितपुर, १ चैत । ललितपुरमा सम्पन्न ललितपुर जिल्लास्तरीय अन्तरविद्यालय आठौं राष्ट्रपति रनिङ्ग शिल्ड प्रतियोगिता जितेपछि इमाडोलको पवनप्रकृति उमाविले रनिङ्गशिल्डलाई आफ्नो सम्पत्ति बनाएको छ । सो विद्यालयले लगातार ३ वर्षदेखि सो शिल्ड जितेपछि शिल्ड अबदेखि सो रनिङ्गशिल्डलाई आफ्नो बनाउन सफल भएको हो ।

तस्वीर : बलराम प्यासी

भ्लिबल, ट्रिपलजम्प, हाईजम्प र कवड्डीको छात्रतर्फ र छात्रातर्फ प्रथम, ८०० मिटर दौडमा छात्रातर्फ प्रथमका साथै १ हजार ५०० मिटर र ३ हजार मिटर छात्रतर्फ प्रथम भई कूल ३३४ अंक्का साथ पवन प्रकृति स्कुलले यो वर्ष रनिङ्गशिल्ड उछिट्टयाएको हो । उसले दोस्रो भएको बज्र एकेडेमीलाई ९० अंकमा र तेस्रो भएको सुदेशा एकेडेमीलाई ६० अंकमा सीमित बनाएर नगद १५ हजार रुपैया, रनिङ्गशिल्ड, पदक र प्रमाणपत्र जित्न सफल भएको हो ।

 भलिबलतर्फ सो विद्यालयका मंगल स्याङ्गतेन,कवड्डीमा सुजित बजगाई र सुस्मिता घिसिङ्गले उत्कृष्ट खेलाडीको पुरस्कार पनि पाए । विजयी विद्यालय तथा खेलाडीहरुलाई पुर्वमन्त्री सिद्धिलाल सिंहले रनिङ्गशिल्ड, ट्रफि, पदक र प्रमाणपत्र दिएका थिए । 


प्रााय सबै खेलमा पहिलो भएका कारण ३३४ अंक ल्याउन सफल सो विद्यालयले प्राप्त गरेको यो अंक हालसम्मकै सबैभन्दा उच्चअंक भएको बताइन्छ । 

विजेता खेलाडीहरुलाई विद्यालयले एक स्वागत कार्यक्रमको आयोजना गरि विद्यालयका प्रिन्सिपल उत्तरकुमार राई, अतिरिक्त कृयाकलाप संयोजक महेश पुरी, एथलेटिक्सका प्रशिक्षकहरु भुवन घिमिरे, विष्णु राई, शक्ति चेमजोङ्ग, भलिबल प्रशिक्षक मनोहर बस्नेत र कवड्डी प्रशिक्षक डिगेन्द्र राईलगायतले वधाई दिएका थिए । लगातार तेस्रे वर्ष जितेर रनिङ्गशिल्डलाई आफ्नो बनाउन यो वर्ष पवनप्रकृतिका विद्यार्थी र शिक्षकहरुले निकै मिहेनत गरेको प्रिन्सिपल उत्तरकुमार राईले बताए ।