ज्यान बचाउने प्रहरीलाई पुरस्कार

सुरक्षित नागरिक समाजको जनचेतनामूलक र्याली
काठमाण्डौ, ११ बैशाख । गतवर्षको बैशाख १२ गते गएको भूकम्पको संस्मरण गर्दै भूकम्प जुनसुकै बेलामा फेरी पनि आउँन सक्छ, समयमै सचेत हौं भन्ने खालका जनचेतनामूलक सन्देश दिँदै सुरक्षित नागरिक समाज नेपालले शनिबार कोटेश्वर र नयाँबानेश्वरमा वृहत जनचेतनामूलक र्यालीको आयोजना गर्यो ।

नेपाल प्रहरीका प्रमहरी महानिरीक्षक उपेन्द्रकान्त अर्यालले कोटेश्वरमा सो र्यालीको उद्घाटन गर्दै नागरिक समाजको सहयोगमा नै नेपाल प्रहरीलगायतका सुरक्षाकर्मीले गतवर्षको भूकम्पमा परेकाहरुको समयमै उद्धार गर्न सकेको बताए ।
कोटेश्वरबाट शुरु भएको उक्त जनेचतनामूलक र्यालीमा नेपाल प्रहरीको ब्याण्ड, स्काउट, विद्यार्थी, स्थानीय सामाजिक संघसंस्था, स्वास्थ्इ स्वयमसेविका, सामुदायीक प्रहरी लगायत विभिन्न क्लवसंग आवद्ध खेलाडीहरुको समेत सहभागिता थियो ।
विभिन्न जनचेतनामूलक प्लेकार्ड र ब्यानर सहितको र्याली कोटेश्वर तिनकुने हुँदै मिनभवनमा पुगेर सकिएको थियो । समापन कार्यक्रम नेपाल प्रहरीका अतिरिक्त महानिरीक्षक प्रतापसिंह थापा, सुरक्षित नागरिक समाजका संस्थापक अध्यक्ष डा.गोविन्द कुसुम, वर्तमान अध्यक्ष सुर्यप्रसाद कोइरालाले सम्बोधन गरेका थिए ।
कार्यक्रममा गत वर्षको बैशाख १२, १३ र २९ गतेको भूकम्पमा परि घाइते भएकाहरुको उद्धारमा खटिएका चर्चित सुरक्षाकर्मीहरु शसस्त्र प्रहरी निरीक्षक लक्ष्म्ण बहादुर बस्नेत, नेपाली सेनाका यज्ञराज भट्ट र नेपाल प्रहरीका आशिष खडकालाई सुरक्षित नागरिक समाजको तर्फबाट जनही नगद ५ हजार र सम्मानपत्रद्धारा सम्मान गर्नुको साथै र्यालीमा सहभागीहरुलाई प्रमाणपत्र दिइएको थियो ।
नेपाल प्रहरीका अतिरिक्त महानिरीक्षक थापा, सुरक्षित नागरिक समाजका संस्थापक अध्यक्ष कुसुम, र अन्नपुर्ण पोष्ट दैनिकका अध्यक्ष क्याप्टेन थापाले बहादुर सुरक्षाकर्मीहरुलाई सम्मान गरेका थिए ।