कुलबिर थापा र देवी घर्तीको स्वरमा पञ्चेबाजा गीत लाउली सिन्दुर चुरा मायाले’बजारमा (भिडियो)

लोक संगीतको उर्बर भूमि बागलुङको गलकोट क्षेत्रमा पछिल्लो समयमा लोकसंगीतप्रति आकर्षित हुनेको संख्या बढ्दो छ । लोकसंगीतमा युवा पुस्ताको अगमन हुनु प्रशंसनिय नै हो । गलकोट नगरपालिका–७ मल्ममा जन्मेका कुलबिर थापाले आफ्नो पञ्चेबाजाको गीत ‘लाउली सिन्दुर चुरा मायाले’ बजारमा लिएर आएका छन् ।

चर्चित गितकार शिव अखेलीको शब्द, लोक गायक ईश्वर सिंहको लय रहेको छ । स्वरमा कुलबिर थापालाई चर्चित लोकदोहोरी गायिका देवी घर्तीले साथ दिएकी छन् । भिडियोको छाँयान्कन गाउँको परिवेशसँगै मौलिकता समावेस गर्न गलकोटमै छायाङ्कन भएको कलाकर थापाले बताए । गीतको भिडियोमा मोडलिङ समेत थापा आफैले गरेका छन । माया पिरती सँगै लगनको महिनामा विवाहका कुरा भएको कथावस्तुलाई गीतले समेटेको उनले बताए ।

यसअघि उनले घुम्टेको लेकमा गुराँसै फूल्यो’ बोलको सालैजो गीतमा शब्द संकलन गरेका थिए । ‘मोडलको रूपमा समेत देखिदै आएका थापाले लगत्तै पन्चेबाजा करुवाको जल’ गीती एल्वम पनि तत्काल बजारमा ल्याउने उनको तयारी छ । थापाले रोजगरीको सिलसिलामा प्रवाशमा रहेर पनि आफ्नो लोक सांगीतिक यात्रालाई अघि बढाएका छन् । जापानको ओसाकामा रहेका थापाले त्यहाँ हुने जुन सुकै कार्यक्रममा आफ्नो दमदार प्रस्तुति दिदै आएका छन् ।

युवा समाजसेवी कुलबिर अहिले गलकोट समाज जापान क्षेत्रीय समिति ओसाकाको सहसचिबमा रहेर काम गर्दै आएका छन् सानैदेखि समाजिक कार्यमा समेत सक्रिय रहँदै आएका छन् । उनले जापानका सहरहरुमा हुने कार्यक्रममा समेत आफ्ना सांगितिक प्रस्तुति मार्फत प्रवासी नेपालीलाई मनोरञ्जन प्रदान गर्दै आएका छन् र थापा अत्यन्तै राम्रो भलिवल खेलाडि पनि हुन् आऊदो दिनमा अझै प्रगतिको कामना शुभकामना ।