जापानको कान्साइमा नेपाली भाषाको कक्षा सञ्चालन हुने

जापानको कान्साइमा आगामी फेब्रुअरी महिनाको सात तारीक देखी प्रगति ल्याङ्ग्वेज स्कूलले नेपाली, अंग्रेजी र जापानी भाषाहरुका कक्षाहरु सञ्चालन गर्ने भएको छ ।ओसाका ५४१-००४१ स्थित किताहामा २-३-१०, चू ओ कु को आठौ तलामा रहेको वि आइ पि कान्साइ सेन्टरमा कक्षाहरु सञ्चालन गरिने प्रगति ल्याङ्ग्वेज स्कूलकी प्रमुख मेगुमी ओरिताले जानकारी दिनु भयो । प्रारम्भमा साप्ताहिक रुपमा प्रत्येक बुधवार दिउँसो ४:३० बजे देखि ५:३० बजे सम्म कक्षाहरु सञ्चालन गरिने र यसलाई बिस्तारै बिस्तार गरिँदै लैजाने योजना रहेको प्रमुख मेगुमी ओरिताले बताउनु भयो ।
कक्षा कोठाको  क्षमता हाल अधिकतम २० जना  रहेकोले यस बाट सुरु गरी क्रमश थप गरिँदै लैजाने बाताइएको छ। प्रगति ल्याङ्ग्वेज स्कूलले नेपाली, अंग्रेजी र जापानी भाषाहरु सिकाउनुका साथै उच्च शिक्षाको सल्लाहा तथा क्यारियर निर्देशन,जापानमा छात्रवृत्तिको जानकारी,स्कूल अध्ययनको लागी सहायताका साथै ट्यूशन कक्षाहरु समेत सञ्चालन गर्नेछ ।
बिदेशमा बसे पनिआफ्नो भाषा र संस्कृति नबिर्सौं र आफ्ना छोराछोरी,परिवारलाई सिकाऔं भन्ने उद्देश्यका साथ भाषा कक्षाहरु सुरु गर्न लागिएको प्रगति ल्याङ्ग्वेज स्कूलले बताएको छ।