वरिष्ठ कवि तथा सञ्चारकर्मी डा. नवराज लम्सालको प्रमुख आतिथ्यमा सम्पन्न वक्तृत्वकला प्रतियोगीताको सभापतित्व दीपश्री क्रिएटिभ मिडिया वानेश्वर शाखा प्रमुख सुमु शर्मा रहेकी थिइन् । सानै उमेरदेखीनै बोल्ने कलाको विकास भएमा भविष्यमा एउटा कुशल नेतृत्वको विकास हुनेमा जोड दिदै डा. लम्सालले आफ्नो पच्चिस वर्ष बोल्ने कलामा आफुलाई समर्पित गर्दाको अनुभव सुनाएका थिए ।

वर्तमान समयमा प्रजातन्त्रको अवस्था, संयता र लोकतन्त्रको गरिमाका विषयमा आफ्नो विचारहरु व्यक्त गरिरहेका प्रतिस्पर्धीहरुको विचारहरुलाई चर्चित कविहरु हेम प्रभास र वलराम दाहालले निर्णायकको भूमिका निर्वाह गरेका थिए ।

एक दशक देखी बाल प्रतिभालाई सबैसामु चिनाउनका लागी यस संस्था लागीरहेको बताउँदै आगामी दिनमा पनि यस्तै कार्यक्रम गर्दै जाने कार्यक्रम संयोजक प्रह्लाद दाहालले बताए । कार्यक्रमलाई सह(आयोजकका रुपमा नेपाल डेरी एसोशिएसनले सहकार्य गरेको थियो । प्रतियोगीतामा विजेताहरुले क्रमश तिनहजार, दुईहजार, एकहजार र सान्तोजना दुई जनाले पाँचसय सहित सिल्ड, मेडल र प्रमाणपत्र प्राप्त गरेका थिए ।